بھوپال: راشٹریہ سویم سیوک سنگھ (آر ایس ایس) کے سرسنگھ چالک موہن بھاگوت نے آج مدھیہ پردیش کی راجدھانی بھوپال میں منعقدہ ودیا بھارتی اکھل بھارتیہ شکشا سنستھان (وی بی اے بی ایس ایس) کے کل وقتی کارکنوں کے پانچ روزہ تربیتی کیمپ کا باقاعدہ افتتاح کیا۔ اس کیمپ کا انعقاد مقامی سرسوتی ودیا مندر رہائشی اسکول، شاردا وہار میں کیا گیا ہے ۔ اس افتتاحی پروگرام میں راشٹریہ سویم سیوک سنگھ کے جوائنٹ جنرل سکریٹری ڈاکٹر کرشنا گوپال اور سنگھ اور ودیا بھارتی کے سینئر عہدیدار موجود تھے ۔ اس سے قبل گزشتہ روز اس تربیتی کیمپ کے موقع پر تین نمائشوں کا اہتمام کیا گیا تھا۔ تین خصوصی نمائشوں ثقافت، ڈیجیٹل اچیومنٹس اور شیشو واٹیکا کا افتتاح ریاستی حکومت کے وزیر وشواس سارنگ نے کیا۔ ثقافتی نمائش لوک ماتا اہلیہ بائی ہولکر کے 300 ویں یوم پیدائش کے موقع پر ان کی شخصیت اور کاموں پر مبنی ہے ۔ ڈیجیٹل اچیومینٹس نمائش میں بچوں کی ہمہ جہت ترقی کے لیے ودیا بھارتی کی طرف سے سال بھر میں کی جانے والی سرگرمیوں اور دیگر سماجی سروکار اور تعلیمی پروگراموں کے بارے میں معلومات فراہم کی گئی ہیں۔ شیشو واٹیکا نمائش میں ودیا بھارتی بچوں کی تعلیم کے 12 تعلیمی نظاموں کو نمائش میں پیش کیا گیاجس سے 12 تعلیمی نظاموں کے ذریعے بچوں کو کھیل کود کے ساتھ ہمہ جہت ترقی کا تصور ظاہر ہوتا ہے ۔
