نئی دہلی،20نومبر(سیاست ڈاٹ کام)شہری ہوابازی کی وزیر ہردیپ سنگھ پوری نے آج راجیہ سبھا میں کہا کہ اڈیشہ کے دارالحکومت بھونیشور سے دبئی کے لیے براہ راست پرواز شروع کرنے کی جدوجہد جاری ہے ۔ مسٹر پوری نے ایوان میں ایک سوال کے جواب میں یہ اطلاع دی۔ انہوں نے کہا کہ اڈیشہ حکومت نے بھونیشور میں بین الاقوامی ایئر پورٹ بنانے کے لیے تین مقامات کا مشورہ دیا تھاجنھیں مناسب نہیں پایا گیا ہے ۔ انہوں نے بتایا کہ ریاستی حکومت سے کہا گیا ہے کہ وہ کسی دوسرے مقام کا مشورہ دیا گیا ہے ۔ انہوں نے بتایا کہ بھونیشور سے دبئی تک براہ راست پرواز شروع کرنے میں پرائیویٹ ہوابازی کی کمپنیوں کے ساتھ گفتگو کی جارہی ہے ۔ انہوں نے کہا کہ شہری ہوابازی کی صنعت بڑی تیزی سے ترقی کر رہی ہے ۔
