نئی دہلی: پبلک سیکٹر کی ٹیلی کام سروس فراہم کرنے والی کمپنی بھارت سنچار نگم لمیٹڈ (بی ایس این ایل) نے 2007 کے بعد پہلی بار رواں مالی سال کی تیسری سہ ماہی میں 262 کروڑ روپے کا منافع کمایا ہے۔ بی ایس این ایل کے چیئرمین اور منیجنگ ڈائریکٹر رابرٹ جے روی نے اس کامیابی کو کمپنی کی جدت طرازی، صارفین کے اطمینان اور جارحانہ نیٹ ورک کی توسیع کا نتیجہ قرار دیا۔ ان کوششوں سے سال کے ختم تک آمدنی میں 20 فیصد اضافہ متوقع ہے۔
