انقرہ :ترکی میں حکام کے مطابق اتوار کی صبح ایک بس حادثے میں کم از کم 12 افراد ہلاک جبکہ 26 زخمی ہوئے ہیں۔خبر رساں ادارے روئٹرز کے مطابق حادثے کا شکار ہونے والی بس میں پاکستانی، بنگلہ دیشی اور افغان شہری بھی سوار تھے۔حکام کے مطابق حادثہ ایران کے ساتھ ترکی کی سرحد پر وان صوبے کے ضلع مرادیہ میں پیش آیا۔’بھوک پیاس اور اذیت کا سفر‘، انسداد انسانی سمگلنگ کے نئے قانون کے تحت پہلا مقدمہمقامی ذرائع نے روئٹرز کو بتایا کہ کھائی میں گرنے کے بعد بس کو آگ لگ گئی۔ذرائع کے مطابق حادثے میں ہلاک ہونے والوں کی شناخت فوری طور پر ممکن نہیں ہو سکی۔انہوں نے مزید کہا کہ بس کے مالک کو حراست میں لے لیا گیا ہے۔ترکی یورپ جانے والے تارکین وطن کے لیے ایک اہم گزرگاہ ہے۔ زیادہ تر تارکین وطن کا تعلق ایران، افغانستان اور پاکستان سے ہوتا ہے۔
