انقرہ۔17 جون (سیاست ڈاٹ کام) ترک فوج کی اسپیشل فورسز نے شمالی عراق میں کرد باغیوں کے خلاف فضائی کارروائی کا آغاز کر دیا ہے۔ ترک وزارت خارجہ کے ایک بیان کے مطابق کرد گروہ ’پی کے کے‘ کے خلاف یہ آپریشن ان کی طرف سے ترک فوجی چوکیوں پر حملے کے بعد شروع کیا گیا ہے اور ترکی کو اپنے دفاع کا حق حاصل ہے۔ پی کے کے کا مرکزی دفتر شمالی عراق کے قندیل نامی پہاڑوں میں ہے۔ ترکی، یورپی یونین اور امریکہ اس تنظیم کو دہشت گرد قرار دے چکے ہیں۔
