چنئی، 12 اپریل (یو این آئی) تمل ناڈو میں 23 اپریل کو ہونے والے اسمبلی انتخابات سے قبل وزیر اعظم نریندر مودی، بھارتیہ جنتا پارٹی کے صدر نتن نبین اور کانگریس رہنما راہول گاندھی کے دوروں سے انتخابی سرگرمیوں میں نمایاں تیزی آ گئی ہے ۔بی جے پی اور کانگریس کے اعلیٰ رہنما کیرالا، آسام اور پڈوچیری میں انتخابی مہم مکمل کرنے کے بعد اب تمل ناڈو اور مغربی بنگال پر اپنی توجہ مرکوز کر رہے ہیں۔ بی جے پی ریاست میں اپنی پوزیشن مضبوط بنانے کے لیے بھرپور اور جارحانہ انتخابی مہم چلا رہی ہے ۔انتخابی مہم کا آغاز سب سے پہلے بی جے پی کے صدر نتن نبین نے کیا جو اتوار کی صبح مدورئی پہنچے ۔ اپنے دو روزہ دورے کے دوران وہ روڈ شو کریں گے ، قومی جمہوری اتحاد (این ڈی اے ) کی ریلی سے خطاب کریں گے اور بوتھ کمیٹی کے اجلاس میں بھی شرکت کریں گے ۔وہیں وزیر اعظم نریندر مودی 15 اپریل کو ریاست میں متعدد ریلیوں اور روڈ شوز میں حصہ لیں گے اور پارٹی کارکنوں سے بھی خطاب کریں گے ، جس سے انتخابی ماحول مزید گرم ہونے کی توقع ہے ۔(S/W)
