حیدرآباد 27 اگست (یو این آئی) جوگولامباگدوال میں سڑک حادثہ میں دو افرادہلاک ہوگئے ۔یہ حادثہ نیشنل ہائی وے 44 بیچوپلی پل پر صبح 6 بجے اُس وقت پیش آیا جب ٹائر بدلتے وقت پنکچر گاڑی سے کار کے ٹکرا گئی اور اس کے سبب دو افراد موقع پر ہی ہلاک ہوگئے ۔ تفصیلات کے مطابق بولیرو گاڑی جو کرنول سے حیدرآباد کی طرف جارہی تھی کا ٹائر پنکچر ہوگیا اور ٹائر بدلنے کیلئے اس گاڑی کو سڑک کے کنارے روک دیا گیا۔اسی دوران تیز رفتار کار نے اس گاڑی کو ٹکر دے دی جس کے نتیجہ میں دو افراد موقع پر ہی ہلاک ہوگئے ۔ اطلاع ملتے ہی پولیس وہاں پہنچی جس نے اس سلسلہ میں ایک معاملہ درج کرکے جانچ شروع کردی۔
