رانچی، 6 نومبر (سیاست ڈاٹ کام) جھارکھنڈ میں پہلے مرحلے میں اسمبلی کی تیرہ نشستوں کے لئے 30 نومبر کو ہونے والے انتخابات کے لئے نوٹیفکیشن آج جاری کر دیا گیا ۔ریاستی الیکشن دفتر ذرائع نے یہاں بتایا کہ جھارکھنڈ میں پہلے مرحلے کے تحت 30 نومبر کو چترا ( ریزرو )، گوملا ( ریزور)، بھانو پور ( ریزور )، لوہردگا ( ریزرو)، منیکا ( ریزرو)، لاتیہار ( ریزرو)، پانکی، ڈالٹن گنج ، وشرام پور، چھتر پور ( ریزرو، حسین آباد ، گڑوا اور بھوناتھ پور میں ہونے والے اسمبلی انتخابات کے لئے نوٹیفکیشن جاری ہو گئی ہے ۔ پہلے مرحلے کے لئے کاغذات نامزدگی کی آخری تاریخ 13 نومبر ہے ۔ وہیں کاغذات نامزدگی کی جانچ 14 نومبر کو ہوگی اور نام واپسی کی آخری تاریخ 16 نومبر ہو گی ۔
