بنگلورو: امریکہ کی جی ای ایرو اسپیس نے ہندوستانی فضائیہ کے ساتھ ایک لاجسٹک (پی بی ایل) معاہدہ پر دستخط کیے ہیں تاکہ آئی ای ایف کے اے ایچ-64E-I اپاچی ہیلی کاپٹروں کے T700-GE-701D انجنوں کی دیکھ بھال کا ایک جامع حل فراہم کیا جاسکے ۔اس پانچ سالہ کارکردگی پر مبنی معاہدے کے تحت، جی ای ایرو اسپیس ٹی 700 انجنوں کی دیکھ بھال، مرمت اور اوور ہال (ایم آر او) کیلئے ذمہ دار ہو گی تاکہ ایئر فورس کیلئے انجن کی دستیابی کو یقینی بنایا جا سکے ۔ یہ انجن کی دیکھ بھال کو ہموار کرنے ، کارکردگی کو بہتر بنانے اور اپاچی بیڑے کی دستیابی اور آپریشنل تیاری کو بڑھانے کیلئے ڈیزائن کیا گیا ہے ۔ جی ای ایرو اسپیس کے ڈیفنس اینڈ سسٹم کے نائب صدر اور جنرل منیجر ینگجا کم نے کہا، “ہمیں اس پی بی ایل معاہدے کے ذریعے ہندوستانی فضائیہ کے ساتھ اپنی شراکت داری جاری رکھنے پر فخر ہے ، جو کہ اہم دفاعی پلیٹ فارمز کیلئے قابل اعتماد اور اختراعی حل فراہم کرنے کیلئے ہماری وابستگی کو ظاہر کرتا ہے ۔
