واشنگٹن: گوگل کے ای میل پلیٹ فارم جی میل نے سرویس ختم کرنے سے متعلق وائرل ہونے والے فرضی پیغام کی تردید میں کہا کہ یہ سرویس جاری رہے گی۔جی میل نے ’ایکس‘ پر اپنی پوسٹ میں کہاکہ جی میل یہاں موجود رہنے والا ہے۔ اس سے قبل جی میل کی جانب سے ارسال کردہ جعلی ای میل میں دعویٰ کیا گیا تھا کہ یہ سرویس اگست 2024 میں بند کردی جائے گی۔ گزشتہ ستمبر میں، گوگل نے کہا تھا کہ جی میل جنوری 2024سے صارفین کو بنیادی براؤزر ایچ ٹی ایم ایل ویو سے منسلک ہونے کی اجازت نہیں دے گا۔ گوگل نے مصنوعی ذہانت ماڈل جیمنی میں لوگوں کی امیجنگ کی صلاحیت کو اس وقت تک معطل کردیا جب تک کہ AI ماڈل کا ایڈوانسڈ ورژن جاری نہیں کردیا جاتا ہے۔