اروند کیجریوال حکومت نے کہا ہے کہ دہلی میں 18 سے 44 سالوں تک ویکسین کے صرف تین دن باقی ہیں اور مرکزی حکومت نے رواں ماہ ویکسین کا کوئی اور ذخیرہ دینے سے انکار کردیا ہے۔نائب وزیر اعلی منیش سسودیا نے مرکزی حکومت کے ایک خط کے حوالے سے معلومات دی ہے ۔ سسودیا نے ڈیجیٹل پریس کانفرنس میں ویکسین کے بارے میں بتایا کہ کل حکومت ہند کا خط ہمارے پاس آیا ہے۔ مرکزی حکومت کا کہنا ہے کہ دہلی کو اب مئی کے مہینے میں 45+ افراد کے لئے 3،83،000 خوراکیں ملنے جا رہی ہیں لیکن مئی میں 18 سے 44 سال کے درمیان لوگوں کے لئے مزید کوئی ویکسین نہیں ملے گی۔
