نئی دہلی ۔ 9 اگست (ایجنسیز) دہلی کے پتم پورہ میں پیش آیا ایک ایسا واقعہ جس نے نہ صرف سوشل میڈیا کو ہلا کر رکھ دیا بلکہ عوام کے غصے کو بھی بھڑکا دیا۔ ایک جوڑے کو صرف اس لئے ریسٹورنٹ میں اس لئے داخل ہونے نہیں دیا گیا کہ وہ شرٹ شلوار اور پینٹ ٹی شرٹ میں ملبوس تھے۔ جبکہ شارٹس پہننے والے اندر مزے کر رہے تھے۔ ویڈیو جنگل کی آگ کی طرح وائرل ہوئی، اور دیکھتے ہی دیکھتے ریسٹورنٹ انتظامیہ پر تنقید شروع ہو گئی۔ معاملہ اس وقت دھماکے کی طرح پھٹ پڑا جب وزیر کپل مشرا نے ذاتی طور پر مداخلت کرتے ہوئے فوری تحقیقات اور قانونی کارروائی کے احکامات دے دیے۔ دباؤ اتنا بڑھا کہ ریسٹورنٹ کے مالک نیرج اگروال کو گھٹنے ٹیکنا پڑا اور آ کر ویڈیو جاری کرنی پڑی، جس میں انہوں نے اعلان کیا کہ اب چاہے سوٹ ہو یا ساڑی، ٹی شرٹ ہو یا جینز ۔ سب کا استقبال کیا جائے گا۔
