ممبئی: مہاراشٹرا کے نائب وزیر اعلیٰ اور وزیر داخلہ دیویندر فڑنویس کو ایک یوٹیوب چینل کے ذریعے جان سے مارنے کا دھمکی آمیز پیغام موصول ہوا ہے ۔جمعرات کو یہاں اس بارے میں جانکاری دیتے ہوئے حکام نے بتایا کہ سانتا کروز پولیس نے چہارشنبہ کو ایک نامعلوم شخص کے خلاف یوٹیوب انٹرویو کے دوران فڑنویس کو جان سے مارنے کی دھمکی دینے کے الزام میں ایف آئی آر درج کی ہے ۔ پولیس نے یہ اطلاع دی۔ یہ ویڈیو مبینہ طور پر یوٹیوب چینل گاوران اینالسٹ کی طرف سے جاری کی گئی ہے اور سوشل میڈیا پلیٹ فارم پر اسے بڑے پیمانے پر شیئر کیا جا رہا ہے ۔ شکایت میں کہا گیا ہے کہ انٹرویو میں فڑنویس کے خلاف ایک نامعلوم شخص کے ذریعہ قابل اعتراض زبان استعمال کی گئی اور انہیں جان سے مارنے کی دھمکی دی گئی۔شکایت کے مطابق منگل کی شام جب شکایت کنندہ فیس بک براؤز کر رہا تھا، ٹیپ پر انٹرویو کرنے والا نائب وزیر اعلیٰ کو قتل کرنے کے بارے میں بیان دے رہا تھا۔ یہ ویڈیو یوٹیوب، فیس بک اور ٹوئٹر پر وائرل ہوگئی ۔ اسے یوگیش ساونت7796 نامی صارف نے فیس بک پر اپ لوڈ کیا تھا۔
اس کی وجہ سے فڑنویس کے خلاف انہیں جان سے مارنے کی دھمکی دینے اور دو برادریوں کے درمیان نفرت پیدا کرنے والے بیانات دینے کی شکایت درج کی گئی ہے ۔سانتا کروز پولیس اسٹیشن میں کیس درج کیا گیا ہے اور تحقیقات جاری ہے ۔
