نئی دہلی: راشٹریہ سیوم سیوک سنگھ نے آج دعوی کیا ہے کہ ایودھیا رام جنم بھومی کا فیصلہ ہندوؤں کے حق میں آئے گا۔ واضح رہے کہ بابری مسجد۔ رام جنم بھومی کا فیصلہ 17نومبر کو آنے والا ہے۔ آ ر ایس ایس جنرل سکریٹری بھیاجی جوشی نے کہا کہ ہم فیصلہ کا بڑا بے صبری سے انتظار کررہے ہیں، ہمیں یقین ہے کہ فیصلہ ہندوؤں کے حق میں آئے گا۔
بھوبنیشور میں تین دن تک چلنے والا آکھیل بھارتیہ کریاکاری منڈل کے تین روزہ اجلاس کے اختتام پر جوشی نے ان خیالات کا اظہار کیا۔ جوشی نے کہا کہ رام مندر کی تعمیر کی ہمیں عرصہ دراز سے انتظار تھا اب امید ہے کہ ہمارا یہ انتظار ختم ہوگا۔ انہوں نے اس موقع پر این آر سی اور کشمیر سے دفعہ370کے معاملہ پر بھی بات کی۔