امرتسر: کانگریس کے لیڈر راہول گاندھی پیر کو ذاتی دورے پر امرتسر پہنچے اور گولڈن ٹیمپل (سنہری گردوارہ) میں متھا ٹیکا اور آشیرواد لیا۔اس بار راہول گاندھی نے پگڑی کے بجائے اپنے سر پر نیلے رنگ کا پٹکا باندھا ہوا تھا۔ گولڈن ٹیمپل میں متھا ٹیکنے کے بعد انہوں نے لنگر ہال میں برتن سیوا کی۔پارٹی کے ایک سینئر لیڈر کے مطابق یہ راہول گاندھی کا امرتسر کا ذاتی دورہ ہے۔ ان کا پنجاب میں پارٹی رہنماؤں سے ملاقات یا کوئی جلسہ کرنے کا کوئی منصوبہ نہیں ہے۔پارٹی کے سینئر لیڈر ریاست کی سیاسی صورتحال بالخصوص ریاست کی عام آدمی پارٹی (اے اے پی) حکومت کے ذریعہ سکھ پال سنگھ کھیرا کی گرفتاری کے بارے میں معلومات دینے کے لئے ان سے ملاقات کرنے کی کوشش کریں گے۔اگر پارٹی لیڈروں کو موقع ملتا ہے تو وہ انہیں ان کارکنوں اور لیڈروں کے بارے میں بھی بتائیں گے جن کے خلاف ریاستی حکومت نے بدعنوانی کے معاملات میں تحقیقات شروع کرتے ہوئے جیل بھیج دیا ہے۔اس سے پہلے راہول گاندھی کے امرتسر ہوائی اڈے پر پہنچنے پر رانا کے۔ پی سنگھ، ایم پی گرجیت سنگھ اوجلا، آئی این ٹی یو سی کے لیڈر سریندر شرما اور دیگر قائدین نے استقبال کیا۔ گولڈن ٹیمپل پہنچنے پر وہاں کئی سینئر لیڈر موجود تھے۔راہول گاندھی کا دیگر مذہبی مقامات پر بھی متھا ٹیکنے کا پروگرام ہے۔ ان کے دورے کے پیش نظر سیکورٹی کے سخت انتظامات کیے گئے ہیں۔
