برلن ۔ جرمن چانسلر انجیلا مرکل نے روس سے مطالبہ کیا ہے کہ وہ یوکرائنی سرحد سے اپنی فوجیں واپس بلائے۔ برلن حکومت کے ایک ترجمان کے مطابق کشیدگی کم کرنے کا صرف یہی ایک راستہ ہے۔ فرانس کی جانب سے بھی اس مطالبہ کی حمایت کی گئی ہے۔ جرمن چانسلر انجیلا مرکل، فرانسیسی صدر ایمانویل میکرون اور یوکرائنی رہنما ولودیمیر زیلینسکی نے ویڈیو کانفرنس کے دوران اس معاملے پر تبادلہ خیال کیا تھا۔ زیلینسکی کی جانب سے روسی صدر سے ملاقات پر آمادگی کا بھی اظہار کیا گیا۔ مشرقی یوکرائن کی سرحد پر روسی فوجی اجتماع کے سبب کشیدگی میں اضافے کا خدشہ پیدا ہو گیا ہے۔
