کیپ ٹاؤن: روس کے وزیر خارجہ سرگئی لاوروف برکس سربراہی اجلاس میں شرکت کے لیے منگل کو جوہانسبرگ پہنچے ۔ یہ معلومات اسپوتنک کے نامہ نگار نے دی۔ یہ سربراہی اجلاس منگل سے جمعرات تک جاری رہے گا۔ لاوروف روسی وفد کی قیادت کر رہے ہیں جبکہ صدر ولادیمیر پوتن ویڈیو لنک کے ذریعے اس میں شامل ہوں گے ۔ جنوبی افریقہ کی حکومت نے ایکس پر ٹویٹ کیا کہ “وزیر خارجہ اور روسی وفد کے سربراہ لاوروف کا جنوبی افریقہ کے نائب وزیر برائے بین الاقوامی تعلقات اور تعاون ایلون بوٹس نے واٹر کلوف ایئر فورس بیس پراستقبال کیا۔ جنوبی افریقہ، جو کہ 2023 میں بلاک کا سربراہ ہے ، نے اقوام متحدہ کے سیکریٹری جنرل انٹونیو گوٹیرس اور افریقی یونین کے سربراہ موسیٰ فاکی مہامت سمیت درجنوں ممالک اور بین الاقوامی تنظیموں کے وفود کو شرکت کے لیے مدعو کیا ہے ۔
امریکہ نے پہلے ہائپرسونک ہتھیار کا تجربہ کیا
واشنگٹن: امریکی فضائیہ نے ہائپرسونک ایئر لانچڈ ریپڈ رسپانس ویپن (اے آر آر ڈبلیو) کا پہلا تجربہ کیا۔ فضائیہ کے ایک ترجمان نے منگل کو اپنے بیان میں اسپوتنک کویہ اطلاع دی۔ فضائیہ کے ایک ترجمان نے بتایا کہ یہ تجربہ19 اگست کو جنوبی کیلیفورنیا کے ساحل پر کیا گیا۔ اس تجربے نے ایک مکمل پروٹو ٹائپ آپریشنل ہائپر سونک میزائل لانچ کیا۔ انہوں نے کہا کہ اس میزائل کے تجربے کے بعد اس کی صلاحیتوں کے بارے میں قیمتی نئی گہری معلومات حاصل ہوئی ہیں۔ ایئر فورس نے کہا اس ٹسٹ سے قیمتی، منفرد ڈیٹا حاصل ہوا۔
اور اس کا مقصد اے آر آر ڈبلیو اور ایش اے سی ایم جیسے کئی پروگراموں کو آگے بڑھانا ہے ۔
