نارائن پیٹ میں پولیس کا شعور بیداری پروگرام
نارائن پیٹ۔ 7 اپریل (سیاست ڈسٹرکٹ نیوز) نارائن پیٹ پولیس اسٹیشن کے تحت پیراپلا گاؤں میں پولیس آرٹ ٹیم کی رہنمائی میں اس ٹیم نے سائبر کرائمز، منشیات کے استعمال، چھوت چھات ،توہم پرستی، بچپن کی شادیوں کے بارے میں الفاظ کے ذریعہ گانوں کی شکل میں عوام کے لیے ایک بیداری پروگرام کا انعقاد عمل میں لایا اس موقع پر اے ایس آئی انجیلو نے کہا کہ لوگوں کو چاہیے کہ وہ نشہ سے دور رہیں جیسے نشہ آور اشیاء، گانجہ، گٹکا، شراب وغیرہ سے دور رہیں، نشہ آور اشیاء کے استعمال کی وجہ سے ان کی صحت متاثر ہوگی اور خاندانوں کو مالی طور پر نقصان پہنچے گا اور جانی نقصان بھی ہوگا۔ نشہ کی لت کی وجہ سے خاندان تباہ ہو جائینگے اس لیے لوگوں کو نشہ آور اشیاء سے دور رہنا چاہیے۔ انہوں نے کہا کہ سائبر کرائمز کے خلاف چوکس رہیں اور سائبر مجرموں کی دھوکہ دہی کی امیدوں کا شکار نہ ہوں۔ انہوں نے کہا کہ سائبر کرائم کی صورت میں فوری طور پر 1930 ٹول فری نمبر پر کال کریں یا 100 ڈائل کریں اور معلومات دیں۔ چوری کی وارداتوں کو ختم کرنے کے لیے دیہات میں سی سی ٹی وی کیمرے نصب کرنے کی تجویز ہے۔ لوگوں کو آگاہ کیا گیا کہ سی سی کیمروں کی تنصیب سے چوری کی روک تھام ہوگی اور دیہات میں غیر منظم سرگرمیوں کو روکا جائے گا۔ اس پروگرام میں لوگ گاؤں کے بزرگ، آرٹ گروپ کے اراکین سریندر گوڑ، شیکھر، کلیانی، رکیا نائک وغیرہ نے حصہ لیا۔
