محکمہ صحت کے اعلیٰ عہدیداروں کا اجلاس ، مختلف امور کا جائزہ ۔ ہریش راؤ
حیدرآباد : /11 نومبر (سیاست نیوز) وزارت صحت کی زائد ذمہ داری حاصل ہونے کے بعد ریاستی وزیر ٹی ہریش راؤ نے محکمہ صحت کے اعلیٰ عہدیداروں کا اجلاس طلب کرتے ہوئے مختلف امور کا جائزہ لیا ۔ انہوں نے کہا کہ گورنمنٹ ہاسپٹلس میں ڈاکٹرس کے وقت پر حاضر نہ ہونے کی کئی شکایتیں وصول ہورہی ہیں ۔ جس سے مسائل پیدا ہورہے ہیں اس مسئلہ پر فوری توجہ دینے کی اعلیٰ عہدیداروں کو ہدایت دی ۔ محکمہ صحت کے مختلف مسائل اور ان کے حل کیلئے عہدیداروں سے تجاویز طلب کیا ۔ بالخصوص آروگیا شری اور ملازمین کی ہیلت اسکیم پر نگرانی کیلئے ( سی ای او) کی عدم موجودگی سے پیش آنے والی دشواریوں کا جائزہ لیا ۔ عہدیداروں نے انہیں مخلوعہ جائیدادوں کی طرف توجہ دلائی ۔ اجلاس میں نئے ہاسپٹلس کی تعمیرات اور نئے میڈیکل کالجس کے قیام کے ساتھ ہی ضرورت کے مطابق عملہ کے تقررات وغیرہ پر تبادلہ خیال کیا ۔ اس اجلاس سے قبل گورنمنٹ میڈیکل ڈاکٹرس اسوسی ایشن کے قائدین نے ہریش راؤ سے ملاقات کرتے ہوئے مسائل سے واقف کرایا جس پر ہمدردانہ غور کرنے کا انہیں وزیر صحت نے تیقن دیا ۔ ن