ممبئی۔ بالی ووڈ اداکارہ سمانتھا پربھو کی اگلی فلم یشودا، ایک نئے دور کی ایکشن تھرلر فلم ہے جو کہ تلگو، تمل، کنڑ، ملیالم اور ہندی میں 11 نومبر کو ریلیز ہونے والی ہے۔شیوالنکا کرشنا پرساد کی طرف سے تیار کردہ معروف سری دیوی موویز پروڈکشن نمبر۔ 14، ہری اور ہریش اس فلم کو ڈائریکٹ کر رہے ہیں جس کا بے صبری سے انتظار کیا جارہا ہے۔ منفرد انداز میں ریلیزکی تاریخ کا اعلان کرنے کے مقصد سے، فلم کی ٹیم نے ایک دلچسپ پکسل مہم میں شائقین کو ریلیز کی تاریخ بتانے پر اپنی صلاحیتیں دکھائی ہیں ۔ اس میں ہزاروں شائقین نے حصہ لیا اور 30 منٹ سے بھی کم وقت میں پوسٹر کا انکشاف کیا۔ اس موقع پر بات کرتے ہوئے پروڈیوسر شیوالنکا کرشنا پرساد نے کہا یشودا ایک نئے دور کی ایکشن تھرلر ہے۔ ہماری فلم میں اسرار اور جذبات کا متوازن حصہ ہے اورفلم شائقین کے لیے دل کوگرفتار کرنے والے عناصر ہیں۔ مجموعی طور پر، یہ ایک سیٹ آف دی سیٹ تھرلر ہے۔ ٹائٹلر رول ادا کرتے ہوئے، سمانتھا نے ایکشن سینز میں اپنا خون اور پسینہ بہایا ہے ۔ اس نے تلگو اور تامل دونوں میں اپنے لیے ڈبنگ کی۔ منیشرما کا بیک گراؤنڈ میوزک اس کو اور بھی سنسنی خیز بنا رہاہے ۔ ہم نے فلم کی تکنیکی اور پروڈکشن اقدار پر کوئی سمجھوتہ نہیں کیا ہے۔ ایک شاہانہ بجٹ کے ساتھ، ہم نے شوٹنگ کو 100 دنوں میں مکمل کیا۔ نئے دور کے سنیما سے محبت کرنے والے ناظرین یقینی طور پر یشودا کو دیکھ کر بہت پرجوش ہوں گے۔ اسے 11 نومبر 2022 کو دنیا بھر کے سینما گھروں میں دیکھائیں گے۔ سمانتھا کے ساتھ ورالکشمی سارتھ کمار، اونی مکندن، راؤ رمیش، مرلی شرما، سمپت راج، شترو، مدوریما، کلپیکا گنیش، دیویا سری پادا، پرینکا شرما اور دیگر اہم کردار ادا کر رہے ہیں۔
