نئی دہلی: مغربی بنگال کے سندیش کھالی میں تشدد سے متاثر لوگوں کے ایک گروپ نے جمعہ کو صدر جمہوریہ دروپدی مرمو سے دارالحکومت میں ملاقات کی اور اپنی آپ بیتی سناتے ہوئے صدر کو ایک میمورنڈم پیش کیا جس میں درج فہرست ذاتوں (ایس سی) اور درج فہرست قبائل (شیڈیولڈ کاسٹ) کے تحفظ کیلئے مداخلت کی مانگ کی گئی۔راشٹرپتی بھون میں مرمو سے ملنے کیلئے گروپ میں 11 لوگ تھے ۔ ان میں پانچ خواتین تھیں۔صدر سے ملاقات کے بعد اس گروپ کی خواتین ارکان نے نامہ نگاروں کو بتایا کہ مرمو نے ہمدردی سے ان کی شکایت سنی اور اس کے بعد افسردہ نظر آئیں۔
ان کی آپ بیتی سن کر وہ بہت جذباتی اور افسردہ نظر آئیں۔ میمورنڈم مغربی بنگال کے سندیشکھلی کے پسماندہ خاندانوں کی حفاظت کیلئے آپ سے فوری مداخلت کی درخواست کرتا ہے ۔ اس ٹیم نے صدر کو بتایا کہ سندیشکھلی میں زورآور لوگوں کی طرف سے شدید ہراسانی کا شکار ہونے والے زیادہ تر افراد درج فہرست ذات / درج فہرست قبائل سے تعلق رکھتے ہیں۔
