کینبرا : آسٹریلیائی پولیس نے 15 اپریل کو سڈنی کے ایک چرچ میں پادری کو چاقو مارنے کے واقعہ کی تحقیقات کے بعد 14-17 سال کی عمر کے پانچ نوجوانوں کو حراست میں لیا ہے ۔آسٹریلیائی میڈیا کے مطابق، نوجوانوں کو آج عدالت میں پیش کیا جائے گا۔ ملزمان ان سات نوجوانوں میں شامل ہیں جنہیں بدھ کے روز جنوب مغربی سڈنی میں انسداد دہشت گردی کے ایک بڑے آپریشن میں گرفتار کیا گیا تھا۔پولیس نے ایک بیان میں کہا کہ دو نوجوانوں، جن کی عمریں 16-17 سال ہیں، پر دہشت گردی کی کارروائی کرنے یا اس میں حصہ لینے کی سازش کا الزام عائد کیا گیا ہے ۔پولیس نے بتایا کہ دیگرنوجوانوں سے پوچھ گچھ کی جا رہی ہے ، حالانکہ انہیں گرفتار نہیں کیا گیا ہے ۔
