نئی دہلی۔22 جنوری ۔(سیاست ڈاٹ کام) بھارتیہ جنتا پارٹی (بی جے پی) کی دہلی یونٹ کے صدر منوج تیواری نے شہریت ترمیمی قانون ( سی اے اے ) کیخلاف شاہین باغ میں گزشتہ 39 دنوں سے جاری دھرنا و مظاہرہ پر لوگوں کی پریشانیوں پر تشویش کا اظہار کرتے ہوئے سوال کیا، کہ کیا یہ جائز ہے ؟ تیواری نے چہارشنبہ کو ٹوئٹ کرکے کہاکہ39 دن ہو گئے ۔ شاہین باغ کی وجہ سے ٹریفک ٹھپ، لاکھوں لوگ پریشان، بچے امتحان کے وقت بھی 2-2 گھنٹے سڑکوں پر برباد کر رہے ہیں۔آفس جانے والوں کو پریشانی، تاجروں کو نقصان ، کیا یہ جائز ہے ؟۔ شاہین باغ میں سڑک پر ہونے والے احتجاج و مظاہرہ سے لوگوں کو کئی کلومیٹر کا طویل چکر لگا کر اپنی منزل تک پہنچنا پڑرہا ہے ۔