ممبئی ۔ بالی ووڈ میں گزشتہ کئی سال کے دوران، فلمی عنوانات اکثر فلم انڈسٹری کے سوپر اسٹارزکی عرفیت بن گئے ہیں۔ جہاں امیتابھ بچن کو شہنشاہ، شاہ رخ خان کو بادشاہ کہا جاتا ہے جب کہ سلمان خان کو سلطان کا لقب ملا ہے اور سلمان کو ٹائیگر کے نام سے بھی جانا جاتاہے ۔ ان سوپر اسٹارزکی مقبولیت آج بھی عروج پر ہے اور تھیٹر میں ان کی غیر موجودگی کے بارے میں ہمیشہ بحث ہوتی رہتی ہے۔ 2024 ایسا ہی ایک سال ہے جہاں نہ تو سلمان خان اور نہ ہی شاہ رخ خان کی کوئی فلم ریلیز ہوگی، یہ گزشتہ 30 سالوں میں سب سے نایاب واقعات میں سے ایک ہے کہ شاہ رخ اور سلمان کی کوئی فلم ریلیز نہ ہو لیکن 2025 کی بات کریں تو دونوں اسٹارس دو عنوانات کے ساتھ واپس آئیں گے جو ان کی شخصیت کے مطابق ہوں گے اور ان کی چمک کے بارے میں بہت کچھ بولیں گے۔ شاہ رخ خان سوجوئے گھوش کی ہدایت کاری میں بننے والی فلم کنگ کے ساتھ واپس آئیں گے، جس میں سہانا خان کی تھیٹر میں ڈیبیو بھی ہوگا اور یہ فلم ایکشن تھرلر ہوگی۔ کنگ ایک تیز رفتار ایکشن تھرلر ہے جو سرپرست اور شاگرد کے سفر کو بیان کرتی ہے، تمام مشکلات کے خلاف ان کی بقا کی صلاحیتوں پیش کیا جانا والا ہے۔ اس فلم کا پری پروڈکشن کا کام جاری ہے اور فلم بنانے والے اس موسم گرما میں شوٹنگ کے لیے تیار ہیں۔فلم کنگ 2025 کے دوسرے نصف میں تھیٹر میں ریلیزکا ہدف بنائے گی، سلمان خان اگلے سال ساجد ناڈیاڈوالا کی پروڈیوس کردہ فلم سکندر کے ساتھ اے آر مروگاداس کی ہدایت کاری میں عید کے موقع پر واپس آرہے ہیں۔ شوٹنگ اگلے مہینے 12 دن کے ایکشن شیڈول کے ساتھ شروع ہوگی، اس کے بعد اگست میں دوسرا شیڈول ہوگا۔ سکندر ایک ایکشن سے بھرپور انٹرٹینر ہے جس میں بہت سارے رومانس، ڈرامے اور جذبات ہیں ۔ یہ فلم عید کا تفریحی پروگرام ہے۔ سکندر کا پری پروڈکشن کا کام جاری ہے۔ ہیروئین اور مخالف کی کاسٹنگ جاری ہے اور آنے والے مہینے میں مزید نئی تفصیلات سامنے آئیں گی۔ دلچسپ بات یہ ہے کہ کنگ خطاب بھی ابتدائی طور پر ساجد ناڈیاڈوالا کے پاس رجسٹرڈ تھا اور انہوں نے شاہ رخ خان کی درخواست پر اس سے دستبرداری اختیارکی ہے۔
