شری شری روی شنکر کی پروفیسر طاہر محمود سے ملاقات، ایودھیا تنازع پر بات چیت

,

   

نئی دہلی: ایودھیا کے نزاعی معاملہ میں سپریم کورٹ کی قائم کردہ مصالحتی کمیٹی کے سرگرم رکن شری شری روی شنکر نے قومی اقلیتی کمیشن کے سابق چیرمین اور لاکمیشن آف انڈیا کے سابق رکن پروفیسر طاہر محمود سے ملاقات کی۔ اس موقع پر مصالحتی کمیٹی کی ذمہ داریو ں پر تفصیلی گفتگو کی گئی۔

پرفیسر طاہر محمو دنے اس بات سے مکمل اتفاق کیا ہے کہ عدالت کا فیصلہ آنے سے پہلے نزاع کے سبھی فریقوں میں اتفاق رائے سے مصالحت ہوجانا ملک و قوم کے عین مفاد میں ہوگا۔ واضح رہے کہ چیف جسٹس آف انڈیا رنجن گوگوئی کے سربراہی والی ایک پانچ رکنی بنچ نے متعلقہ مقدمہ کی سماعت کرتے ہوئے ۸/ مارچ کو مصالحت کی کوشش کرنے کیلئے ریٹائرڈ جج جسٹس خلیفۃ اللہ، مصالحتی قوانین کے ماہر وکیل سری رام پنچو اور دھرم گرو شری شری روی شنکر پر مشتمل ایک کمیٹی دے کر دو ماہ میں رپورٹ پیش کرنے کی ہدایت دی تھی۔ روی شنکر نے طاہر محمو د سے اس اہم مدہ پر گفتگو کی۔