ممبئی: شیوسینا کے ادھو بالا صاحب ٹھاکرے (یو بی ٹی) کے دھڑے نے بدھ کو ریاست میں لوک سبھا انتخابات کے لئے 17 امیدواروں کی فہرست کا اعلان کیا۔فہرست کے مطابق مراٹھواڑہ کی راجدھانی چھترپتی سمبھاجی نگر لوک سبھا حلقہ سے چار بار کے سابق ایم پی چندرکانت کھیرے کی سرکاری امیدواری کا اعلان کیا گیا ہے ۔ایم پی سنجے راوت نے ٹویٹ کرکے ٹھاکرے گروپ کے امیدواروں کی فہرست جاری کرنے کی اطلاع دی۔پچھلے کچھ دنوں سے چھترپتی سمبھاجی نگر میں ٹھاکرے دھڑے کی سیٹ پر تنازعہ چل رہا ہے ۔ مسٹر کھیرے اورسمبھاجی نگر میں دلچسپی رکھنے والے امباداس دانوے کے درمیان امیدواری کے لئے جاری تنازعی سیدھا ماتوشری تک پہنچ گیا تھا، اس لیے سب کی نظریں اس پر لگی ہوئی تھیں کہ چھترپتی سمبھاجی نگر لوک سبھا حلقہ سے کس کو پرچہ نامزدگی داخل کرنے کا موقع ملے گا۔دریں اثنا، بدھ کو کل ملاکر 17 امیدواروں کا اعلان کیا گیا، جن میں بلڈھانہ سے نریندر کھیڈیکر، یوتمال-واشیم سے سنجے دیشمکھ، ماول سے سنجوگ واگھارے -پاٹل، سانگلی سے چندراہر پاٹل، ہنگولی سے ناگیش پاٹل اشٹیکر، چھترپتی سمبھاجی نگر سے چندرکانت کھیرے دھاراشیو سے اومراجے نمبالکر، شرڈی سے بھاؤ صاحب واگھچورے ، ناسک سے راجا بھاؤ واجے ، رائے گڑھ سے اننت گیتے ، ٹھانے سے راجن وچارے ، سندھو درگ-رتناگیری سے ونائک راوت، ممبئی نارتھ ایسٹ سے سنجے دینا پاٹل، ممبئی ساؤتھ سے اروند ساونت، نارتھ ممبئی سے امول کیرتیکر، ممبئی ساؤتھ سینٹرل سے انیل دیسائی اور پربھنی سے سنجے جادھو شامل ہیں۔
