نئی دہلی: دہلی کے وزیر اعلی اروند کیجریوال کی گرفتاری اور انہیں 23 دنوں تک انسولین نہ دینے کے خلاف عام آدمی پارٹی کے کارکنوں اور پارٹی کی ڈاکٹر یونٹ نے آج بی جے پی کے خلاف مظاہرہ کیا۔ مشرقی دہلی لوک سبھا سیٹ سے انڈیا گروپ کے امیدوار اور آپ کے سینئر لیڈر کلدیپ کمار نے اس دوران کہا کہ بی جے پی منصفانہ انتخابات سے بھاگ رہی ہے ، یہی وجہ ہے کہ مسٹر کیجریوال کو بغیر کسی ثبوت کے جیل میں رکھا جا رہا ہے اور ان پر تشدد کیا جا رہا ہے ۔ بی جے پی کے اس ظلم کا جواب دہلی کے عوام اپنے ووٹوں سے دیں گے ۔ کمار نے کہا کہ مسٹر کیجریوال نے دہلی کے لوگوں کو بہت سی سہولیات فراہم کی ہیں۔ دہلی کی بہنوں کو مفت بس سفر کی سہولت فراہم کی، عوام کو 24 گھنٹے مفت بجلی اور پانی دیا، سرکاری اسکولوں اور اسپتالوں کو شاندار بنایا، ایسے وزیر اعلیٰ کو بی جے پی نے سازش کے ذریعے جیل میں ڈال دیا ہے ۔ اس کا جواب دہلی کے عوام اپنے ووٹوں سے دینے کے لیے تیار ہیں۔ انہوں نے کہا کہ بی جے پی یہ بتائے کہ جیل میں وزیر اعلیٰ کی صحت کے ساتھ کیوں کھلواڑ کیاجا رہا ہے ، انہیں 23 دن تک انسولین کیوں نہیں دی گئی۔ آخر دہلی کے بیٹے اروند کیجریوال کو بغیر کسی ثبوت کے جیل میں کیوں رکھا گیا ہے ؟ بی جے پی کجریوال کو گرفتار کرکے دہلی کے لوگوں کو پریشان کررہی ہے ۔
