پیرس: حال ہی میں برطانیہ کے ایک وزیر کے اسکینڈل کی خبروں کے بعد فرانس کے ایک سینئر وزیر کا بھی اسکینڈل سامنے آیا ہے۔ اطلاعات کے مطابق یہ ایک بھاری بھرکم اسکینڈل ہے جو فرانسیسی وزیر برائے یکجہتی اورامور معذورین کا پیچھا کر رہا ہے۔ موصوف کو حال ہی میں وزارت کا قلم دان ملا ہے۔اتوار کو ویب سائٹ میڈیا پارٹ نے دامیان آباد کے خلاف دو خواتین کی جانب سے عصمت دری کے الزامات شائع کیے۔ان کا کہنا تھا کہ آباد نے انہیں اپنے ساتھ جنسی تعلقات قائم کرنے پر مجبور کیا۔انہوں نے مزید کہا کہ یہ 2010 کے اواخر اور 2011 کے اوائل میں ہوا۔دوسری جانب دامیان آباد نے ان الزامات کی سختی سے تردید کی۔آباد اور میڈیا پارٹ نے رپورٹ کیا کہ دو خواتین میں سے ایک نے 2017 میں فرانسیسی وزیر کے خلاف پولیس میں شکایت درج کرائی تھی اور اسے بغیر کسی کارروائی کے بند کر دیا گیا تھا۔ آباد نے رائیٹرز کو بھیجے گئے ایک بیان میں کہا کہ میں جنسی تشدد کے ان الزامات کو سختی سے مسترد کرتا ہوں۔میں نے زندگی بھر جو جنسی تعلقات رکھے ہیں وہ ہمیشہ اتفاق رائے سے رہے ہیں۔
