ریاض ۔ فلسطین کی حمایت کرنے پر تیراکی کی بین الاقوامی فیڈریشن نے مصری گولڈ میڈلسٹ کی تصویر ہٹا دی۔ عرب میڈیا نے کہا ہے کہ اسرائیل حماس جنگ میں فلسطین کی حمایت کرنے پر مصری گولڈ میڈلسٹ کی تصویر ہٹائی گئی۔ مصری تیراک عبدالرحمٰن سامح نے یونان میں50 میٹر تیراکی میں گولڈ میڈل حاصل کیا تھا۔ تیراکی کی بین الاقوامی فیڈریشن کی جانب سے مصری تیراک کی تصویر ہٹائے جانے کے بعد سوشل میڈیا پر عبدالرحمان سامح کی حمایت میں ٹرینڈ بھی چل رہا ہے، جہاں صارفین اپنے ردعمل کا اظہار کرتے ہوئے فیڈریشن کو تنقید کا نشانہ بنا رہے ہیں۔
