دمشق، 18 اکتوبر (سیاست ڈاٹ کام) لبنان کے وزیر مواصلات محمد چوکیر نے جمعہ کی صبح اعلان کیا کہ واٹس ایپ کی آن لائن کال پر کسی طرح کا ٹیکس نہیں لگے گا۔اس سے قبل حکومت نے جمعرات کے روز قرض سے بجٹ کو باہر نکالنے کے لئے اضافی فنڈ اکٹھا کرنے کے مقصد سے وھاٹس ایپ کی آن لائن کال پر ہر ماہ چھ ڈالر ٹیکس لگانے کا فیصلہ کیا تھا، جس کی لوگوں نے بڑے پیمانے پر مخالفت کی تھی۔مسٹر چوکیر نے کہا کہ ’’وزیر اعظم سعد حریری کی درخواست پر وھاٹس ایپ کے ذریعے کی گئی کالوں پر لگنے والا 20 فیصد (فی یوم) ٹیکس منسوخ کرنے کا فیصلہ کیا گیا ہے ۔ اس مسئلے پر اب کابینہ میں بحث نہیں کی جائے گی اور سبھی خدمات پہلے کی طرح دستیاب رہیں گی‘‘۔ انہوں نے بتایا کہ اس طرح کی موبائل ایپلي کیشنس بڑے پیمانے پر صارفین کی حفاظت کے مقصد سے قدم اٹھائیں گی۔
