طرابلس۔18جنوری ۔(سیاست ڈاٹ کام) اقوام متحدہ کے اعلیٰ کمشنر برائے مہاجرین کے دفتر ( یوا ین ایچ سی آر) نے کہا ہے کہ لیبیا میں لڑائی کی وجہ سے تقریبا دیڑھ لاکھ افراد یہاں کے دارالحکومت طرابلس میں بے گھر ہوئے ہیں۔ یواین ایچ سی آرنے جمعہ کو کہا‘‘ لیبیا میں اپریل 2019 میں لڑائی شروع ہونے کے بعد سے تقریبا دیڑھ لاکھ لوگ اپنے گھروں سے بے گھر ہوئے ہیں ۔ یواین ایچ سی آر لیبیا میں بے گھر لوگوں کو امداد مہیا کرا رہا ہے ۔ ایجنسی نے بتایا کہ اس نے لیبیا میں ہزاروں بے گھر ہوئے لوگوں اور وطن واپس آئے لوگوں کو شیلٹرکٹس اور نقدی ا مداد جیسی بنیادی اشیاء مہیا کرائی ہے ۔ یواین ایچ سی آر نے بتایا کہ بین الاقوامی برادری کی جانب سے لیبیا میں قائم شدہ حراستی مراکز کو بند کرنے کی اپیل کے باجوجود تین ہزار سے زائد پناہ گزین اور تارکین وطن یہاں کے حراستی مراکز میں رہ رہے ہیں ۔
