مجھے سیاست میں آنے کا مشورہ سب سے پہلے جنوبی افریقہ کے سابق صدر منڈیلا نے دیا تھا: پرینکا گاندھی

,

   

آج دنیا بھر میں رنگ کی بنیاد پر نسل پرستی کے خلاف جنگ لڑنے والے جنوبی افریقہ کے سابق صدر نیلسن منڈیلا کا یوم پیدائش زور وشورسے منایا جا رہا ہے۔ اس موقع پر کانگریس کی جنرل سکریٹری پرینکا گاندھی نے ٹوئٹر پر ایک تصویر شیئر کر کے انہیں یاد کیا ہے۔

پرینکا نے نیلسن منڈیلا کی تصویر کو شیئر کرتے ہوئے لکھا، ’’دنیا آج نیلسن منڈیلا جیسے لوگوں کو بہت یاد کرتی ہے۔ ان کی زندگی سچائی، محبت اور آزادی کا ایک وصیت نامہ تھی۔ میرے وہ انکل نیلسن تھے (جنہوں نے سب سے پہلے مجھے بتایا کہ سیاست میں آپ کا جانا ضروری ہے)۔ وہ ہمیشہ میرے لئے ایک رہنمائی کرنے والے انسان تھےاور رہیں گے۔

پرینکا نے کل صبح بھی اپنی شادی کے پہلے دن کی تصویر ٹوئٹر پر شیئر کی تھی۔ انہوں نے ٹوئٹر پر چل رہے ٹرینڈ کے ساتھ اپنی شادی والے دن کی تصویر شیئر کی تھی۔ انہوں نے لکھا، ’’22 سال قبل میری شادی کے دن صبح کی پوجا کے دوران کی تصویر۔

پرینکا گاندھی کی اس تصویر کو شیئر کرتے ہوئے ان کے شوہر رابرٹ واڈرا نے لکھا تھا۔ واہ! شاندار تصویر۔ آپ مجھے ہر روز ایک جیسی ہی نظر آتی ہیں۔ محبت، خوشیاں اور تعاون ہمارے وجود کی بنیاد ہے۔ آپ کے لئے بے شمار محبتیں۔