ممبئی: وزیر اعظم نریندر مودی نے جمعرات کو یہاں پہلی ویوز سمٹ (ورلڈ آڈیو ویژول اینڈ انٹرٹینمنٹ سمٹ) کا افتتاح کیا۔ ویوز سمٹ کا انعقاد ممبئی کے بی کے سی میں کیا گیا جہاں 90 ممالک کے 11,000 مندوبین نے آن لائن اور آف لائن اس سمٹ میں شرکت کی۔ وزیر اعظم مودی نے مہاراشٹرا کے شہریوں کو مراٹھی میں مہاراشٹرا ڈے پر مبارکباد دی۔
تقریب سے خطاب کرتے ہوئے وزیر اعظم نے کہا کہ آج 100 سے زائد ممالک کے فنکار، سرمایہ کار اور پالیسی ساز ممبئی میں ایک چھت کے نیچے جمع ہوئے ہیں۔ آج یہاں عالمی ٹیلنٹ اور عالمی تخلیقی صلاحیتوں کے عالمی ماحولیاتی نظام کی بنیاد رکھی جا رہی ہے ۔ دریں اثنا، وزیر اعظم نریندر مودی نے ایک ہزار سے زیادہ تخلیق کاروں کے ساتھ بات چیت کی جو اس چوٹی کانفرنس کیلئے جمع ہوئے اور ان کا جوش بڑھایا۔ ویوز 2025 ایک چار روزہ ایونٹ ہے جو میڈیا اور تفریحی شعبے کو اکٹھا کرتا ہے ۔ ‘Connecting Creators, Connecting Countries’ Waves 2025 کی ٹیگ لائن ہے ۔ اس میں 90 سے زائد ممالک حصہ لے رہے ہیں، جس میں 10,000 مندوبین، 1000 تخلیق کار، تین سو سے زیادہ کمپنیاں اور 350 سے زیادہ اسٹارٹ اپ حصہ لے رہے ہیں۔
