لکھنؤ، 13 اپریل (یو این آئی) حال ہی میں سپریم کورٹ کے حکم پر میرٹھ کی سینٹرل مارکیٹ میں حکومت کی طرف سے کی گئی سیلنگ کی کارروائی کے سلسلے میں سماج وادی پارٹی (ایس پی) کے صدر اکھلیش یادو نے نشانہ بنایا ہے ۔ انہوں نے مرکز کی بی جے پی حکومت کی معاشی پالیسیوں پر تنقید کرتے ہوئے کہا ہے کہ ملک میں ایک نئی ’معاشی آزادی کی تحریک‘ کی شروعات میرٹھ سے ہو سکتی ہے ۔ پیر کو سوشل میڈیا کے ذریعے اکھلیش یادو نے تاریخی 1857 کی تحریک کا ذکر کرتے ہوئے کہا کہ جس طرح میرٹھ نے آزادی کی لڑائی میں اہم رول ادا کیا تھا، اسی طرح اب یہ شہر معاشی پالیسیوں کے خلاف عوامی تحریک کا مرکز بن سکتا ہے۔ اکھلیش یادو نے الزام لگایا کہ بی جے پی حکومت کی پالیسیاں کسانوں، چھوٹے تاجروں اور بہت چھوٹی، چھوٹی اور درمیانے درجے ی صنعتوں (ایم ایس ایم ای) کے لیے نقصان دہ ثابت ہو رہی ہیں۔ انہوں نے کہا کہ زمین کے حصول، کچھ قوانین اور بین الاقوامی معاہدوں کے ذریعے حکومت روایتی تجارت اور کھیتی باڑی کو کمزور کرنے کی سمت میں کام کر رہی ہے ۔انہوں نے کہا کہ حکومت کی ان پالیسیوں کا فائدہ بڑے صنعت کاروں اور ملٹی نیشنل کمپنیوں کو مل رہا ہے
