ریاض : خادم حرمین شریفین شاہ سلمان بن عبدالعزیز اور ولیعہد شہزادہ محمد بن سلمان بن عبدالعزیز نے ہندوستان کی نومنتخب صدر دروپدی مرمو کو باضابطہ طور پر منصب صدارت سنبھالنے پر مبارکباد دی ہے۔ہندوستانی نئی خاتون صدر دروپدی مرمو نے پیر کوصدارت کا حلف اٹھایا ہے۔ شاہ سلمان بن عبدالعزیز اور ولیعہد شہزادہ محمد بن سلمان نے ہندوستانی صدر کو الگ الگ تہنیتی پیغام بھیجے ہیں۔ دونوں شخصیات نے صدر دروپدی مرمو کیلئے ان بطور صدر کامیابی کی تمناوں کا اظہار کیا ہے۔ نیز ہندوستانی عوام کی ترقی و خوشحالی کی دعا کی ہے۔
