منگلورو: کرناٹک کے فرقہ وارانہ طور پر حساس جنوبی کنڑ ضلع میں ایک مثال قائم کرتے ہوئے ایک نئے شادی شدہ ہندو جوڑے نے بنٹوال تعلقہ کے وٹل کی ایک مسجد میں افطار پارٹی کا اہتمام کیا۔حجاب، حلال، اذان اور مسلمانوں کی دکانوں کے بائیکاٹ کے مطالبات کے چلتے نوجوان اپنے عمل سے فرقہ وارانہ ہم آہنگی کی علامت بن کر ابھرا۔وٹل کے بائریکٹے کے جے چندر شیکر کی شادی 24 اپریل کو ہوئی۔ چونکہ مسلمان اس مہینے رمضان منا رہے ہیں اس لیے کمیونٹی میں ان کے بہت سے دوست شادی کی تقریب میں دعوت سے لطف اندوز نہیں ہو سکے۔اس کے بعد اس نے اپنی شادی کی تقریب کے موقع پر ایک مسجد میں اپنے مسلمان دوستوں کے لیے افطار پارٹی منعقد کرنے کا فیصلہ کیا۔بعد ازاں دلہے کو جلالیہ جامع مسجد کے امام اور ذمہ داران نے مبارکباد پیش کی اور افطار میں شریک تمام افراد نے نوبیاہی جوڑے کو مبارکباد دی۔
