نئی دہلی۔ رافیل نڈال کی اے ٹی پی ٹور میں واپسی قریب تر ہوتی جا رہی ہے، 2024 برسبین انٹرنیشنل میں واپسی کی طرف ان کا سفر تیزی سے گامزن ہے اور31 دسمبر کو شروع ہونے والے ٹورنمنٹ سے قبل کویت میں ایک ٹریننگ مرحلہ شامل ہے۔ ہسپانوی اسٹار نے کویت میں رافیل نڈال اکیڈمی کا سفر کیا، جو 2020 میں شیخ جابر العبداللہ الجابر الصباح انٹرنیشنل ٹینس کمپلیکس میں شروع ہوئی ہے۔ وہاں نڈال نے 19 سالہ فرانسیسی شہری آرتھر فلز کے ساتھ تربیتی سیشن کیا، جو حال ہی میں نیکسٹ جنرل اے ٹی پی فائنلز میں خطابی میچ تک پہنچے تھے۔ اس موقع پر نڈال نے کہا ہے کہ کچھ دنوں کی تربیت کے لیے کویت میں آنا بہت اچھا ہے۔ سب نے شاندار استقبال کیا ہے۔ ہر چیز کے لئے آپ کا شکریہ ۔ اے ٹی پی کی رپورٹ کے مطابق نڈال نے کویت کا سفر کیا اور اس سے ملتے جلتے درجہ حرارت اور حالات کی تلاش میں جو اسے چند ہفتوں میں آسٹریلیا کے موسم گرما میں ملے گا اس سے ہم آہنگی حاصل کی ۔نڈال جس نے حال ہی میں اپنی واپسی کے بارے میں محتاط پرجوش پیغام پوسٹ کیا تھا، اس سال 18 جنوری کو میکنزی میک ڈونلڈ کے خلاف آسٹریلین اوپن کے دوسرے راؤنڈ میں میدان میں جانے کے لئے پہلی بار مقابلہ کرنے کی تیاری کر رہے ہیں۔ نڈال نے کہا کہ میں اب بھی سوچتا ہوں کہ میں نے پچھلی پریس کانفرنس میں کیا کہا تھا، کہ میں پریس روم میں اپنے اسپورٹس کیریئر کو ختم کرنے کا ارادہ نہیں رکھتا۔ میں ایک اور طریقے سے کرئیر ختم کرنا چاہوں گا۔
