تل ابیب : اسرائیلی قیدیوں کے رشتہ داروں نے کہا کہ وزیر اعظم بن یامین نیتن یاہو نے تل ابیب اور حماس کے درمیان ممکنہ معاہدے کو روکنے کے لیے ہر موقع ضائع کیا ہے ۔قیدیوں کے لواحقین سے تعلق رکھنے والے اس پلیٹ فارم نے مصر اور غزہ کی پٹی کی سرحد پر واقع فلاڈیلفی کوریڈور میں اسرائیلی فوجیوں کے قبضے کو جاری رکھنے کی اسرائیلی سلامتی کابینہ کی منظوری کے حوالے سے ایک تحریری بیان دیا۔اسرائیلی وزیر اعظم کو نشانہ بناتے ہوئے بیان میں کہا گیا ہے کہ تقریباً ایک سال کی نظر اندازی کے بعد بھی نیتن یاہو نے معاہدے کی بحالی کو یقینی بنانے کا ہر موقع ضائع کر دیا ہے ۔بیان میں اس بات پر زور دیا گیا کہ نیتن یاہو کے اقدامات نے تمام اسیروں کی رہائی کو خطرے میں ڈال دیا ہے ۔
