واشنگٹن، 25جولائی (یو این آئی) ٹرمپ انتظامیہ نے نیویارک شہر، میئر ایریک ایڈمز اور شہر کے کئی دیگر اہلکاروں کے خلاف مقدمہ دائر کردیا۔ اٹارنی جنرل پیم بانڈی نے کہا کہ نیویارک شہر کی انتظامیہ نے ہزاروں مجرموں کو رہائی دی ہے تاکہ وہ قانون پر عمل کرنے والے شہریوں کے خلاف پرتشدد جرائم کرسکیں۔ انتظامیہ کی جانب سے دعویٰ کیا گیا ہیکہ شہر میں نافذ قانون خطرناک مجرموں کو گلیوں میں گشت اور کمیونٹی میں گھناونے جرائم کی اجازت دیتا ہے ، اگر نیویارک شہر اپنے شہریوں کے تحفظ کیلئے کھڑا نہیں ہوگا تو وفاقی حکومت یہ اقدام کرے گی۔ بہت عرصے سے نیویارک شہر ٹرمپ انتظامیہ کی جانب سے امیگریشن قوانین نافذ کرنے کی راہ میں حائل ہے ، وفاق کی جانب سے امیگریشن قوانین پر عمل کی کوششیں اب ناکام نہیں بنائی جاسکیں گی۔ ٹرمپ انتظامیہ نے نیویارک شہر اور اسکی انتظامیہ کے خلاف یہ کیس ایسٹرن ڈسٹرکٹ میں دائر کیا ہے ۔
