جدہ: سعودی عرب کرکٹ فیڈریشن (ایس اے سی ایف) نے 2021 آئی سی سی ٹی 20 ورلڈ کپ ایشیا کوالیفائرکے لیے ٹیم سعودی کا اعلان کردیا ہے۔ جو رواں ماہ کے آخر میں قطر میں منعقد ہوگی۔ گروپ اے کا فاتح-دو ذیلی علاقائی حصوں میں سے ایک اور ابتدائی طور پر کویت میں کھیلا جانا تھا لیکن بعد میں اسے قطر منتقل کردیا گیا – آسٹریلیا میں 2022 مینز آئی سی سی ٹی 20 ورلڈ کپ میں جگہ کے ساتھ عالمی پلے آف میں ترقی کرے گا۔ فیڈریشن نے ایک بیان میں کہا،‘‘ٹیم سعودی عرب نے آئی سی سی ٹی 20 کرکٹ ورلڈ کپ کے فائنل کے لیے قطر میں ابتدائی ایشین کوالیفائرز میں حصہ لینے سے قبل زیڈ اے ایس اکیڈمی میں ریاض میں اپنی تربیت کا آغاز کیا ہے۔’’سعودی قومی کرکٹ ٹیم کی نگرانی پاکستانی کوچ محمد کبیر خان کر رہے ہیں، سعودی عرب کا پہلا میچ مالدیپ سے 23اکتوبر، کویت سے 25 اکتوبر، قطرسے27 اکتوبر اور بحرین سے 28 اکتوبرکو ہوگا۔ ایس اے سی ایف کے چیئرمین شہزادہ سعود بن مشعال نے تیاری کے دوران کھلاڑیوں، کوچوں اور تکنیکی عملے کی کوششوں کی تعریف کی اور کہا کہ انہیں یقین ہے کہ ٹیم مثبت نتائج حاصل کرے گی۔
