ایگ اور ترکاری پف 10 سال پرانے دام میں دستیاب
بالائی منزل پر ریسٹورنٹ اور عربین مندی کے لیے وسیع ڈائننگ ہالس کا قیام
حیدرآباد ۔ 16 ۔ فروری : ( راست ) : پستہ ہاوز عالیجاہ کوٹلہ کی 10 ویں سالگرہ آج عظیم الشان پیمانہ پر منائی گئی ۔ صدر نشین پستہ ہاوز محمد عبدالمجید نے بتایا کہ 10 سال پہلے انڈاپف کا دام 5 روپئے اور ترکاری پف بھی 5 روپئے میں دستیاب تھا ۔ الحمدﷲ پستہ ہاوز عالیجاہ کوٹلہ کی 10 ویں سالگرہ کے موقع پر انڈاپف اور ترکاری پف کو دس سال پرانے دام صرف 5 روپئے میں معزز گاہکوں کی خدمت میں پیش کیا جارہا ہے ۔ علاوہ ازیں عثمانیہ بسکٹ 90 روپئے میں آدھا کیلو اور کولڈ کیک 200 روپئے کیلو کے دام پر فروخت کیا جارہا ہے ۔ محمد عبدالمجید نے بتایا کہ پستہ ہاوز کوٹلہ عالیجاہ کے دس سال کی تکمیل پر معزز گاہکوں کی بہتر خدمت کے لیے اوپری منزل پر وسیع و عریض شاہانہ انداز کا نہایت خوبصورت ، بہترین فرنیچر سے مزین سنٹرلی ایرکنڈیشنڈ ڈائننگ ہالس کا آغاز کیا گیا ہے ۔ جہاں پستہ ہاوز کی روایتی لذیذ دکنی ، مغلائی حیدرآبادی چائنیز ، تنوری کبابس ، چکن ، مٹن اور فش مندی ، بیکری کے جملہ تازہ بہ تازہ اشیاء اور زعفرانی چائے دستیاب ہے ۔ انہوں نے کہا کہ پردہ دار خواتین کے لیے خصوصی نشستیں مہیا ہیں ۔ جناب محمد عبدالمجید نے بتایا کہ پستہ ہاوز عالیجاہ کوٹلہ کی جشن سالگرہ کے موقع پر صدر کل ہند مجلس اتحاد المسلمین و رکن پارلیمنٹ حیدرآباد بیرسٹر اسد الدین اویسی نے بحیثیت مہمان خصوصی شرکت کی ۔ سابق رکن اسمبلی مجلس اتحاد المسلمین جناب ممتاز احمد خاں ، کارپوریٹر پتھر گٹی جناب سہیل قادری اعزازی مہمانوں کے طور پر شریک ہوئے ۔ اس موقع پر منیجنگ ڈائرکٹرس پستہ ہاوز محمد عبدالمحسی اور محمد محدث نے معزز مہمانوں و گاہکوں کا خیر مقدم کیا ۔۔
