نئی دہلی، 12 ستمبر: لیبیا میں بڑھتے بحران کی وجہ سے بین الاقوامی مارکیٹ میں تیل کی قیمتوں میں ہفتے کے روز اضافے کے درمیان ، اتوار کو دہلی میں پٹرول اور ڈیزل کی قیمتیں مسلسل ساتویں دن بدستور مستحکم رہیں۔گزشتہ اتوار کو ان دونوں کی قیمتوں میں 15-15 پیسے فی لیٹر کمی کی گئی تھی۔ آج دہلی میں انڈین آئل کے پمپ پر پٹرول 101.19 روپے فی لیٹر اور ڈیزل 88.62 روپے فی لیٹر رہا۔آئل مارکیٹنگ کمپنی انڈین آئل کارپوریشن کے مطابق دہلی میں پٹرول 101.19 روپے فی لیٹر اور ڈیزل 88.62 روپے فی لیٹر رہا۔تیل پیدا کرنے والے ملک لیبیا میں تیل پیدا کرنے والی کمپنی کے سربراہ کی معطلی کے ساتھ ہی مظاہرین کی جانب سے پیداوار روکنے کی وارننگ کی وجہ سے بین الاقوامی مارکیٹ میں تیل کی قیمتوں میں اضافہ ہوا۔ امریکی مارکیٹ میں کل رات کاروبار بند ہونے پر برینٹ کروڈ 2.06 فیصد اضافے کے ساتھ 72.92 ڈالر فی بیرل اور امریکی خام تیل 2.32 فیصد اضافے کے ساتھ 69.72 ڈالر فی بیرل پر تھا۔
