حیدرآباد۔ یکم؍ جنوری (پریس نوٹ) مرکزی رویت ہلال کمیٹی صدر مجلس علماء دکن کا ماہانہ اجلاس بضمن رویت ہلال ماہ رجب المرجب 1446ھ زیر نگرانی مولانا سید حسن ابراہیم حسینی قادری سجاد پاشاہ معتمد صدر مجلس علماء دکن آج شام 6 بجے شام حسینی بلڈنگ معظم جاہی میں منعقد ہوا۔ شہر میں مطلع صاف تھا چاند نظر آگیا اور ملک کے مختلف مقامات سے مطلع صاف ہونے اور عام رویت کی اطلاعات موصول ہوئیں۔ لہذا تحت احکام شرعیہ مرکزی رویت ہلال کمیٹی صدر مجلس علماء دکن اعلان کرتی ہے کہ 2 جنوری 2025 بروز جمعرات یکم رجب المرجب 1446ھ رہے گی۔ اس اجلاس میں مولانا سید حسن ابراہیم حسینی قادری سجاد پاشاہ معتمد صدر مجلس علماء دکن، مولانا مفتی خلیل احمد، مولانا سید شاہ محمود بادشاہ قادری زریں کلاں، مولانا مفتی سید صغیر احمد نقشبندی، مولانا سید ظہیر الدین علی صوفی قادری، مولانا سید آل مصطفی قادری الموسوی علی پاشاہ، مولانا سید شیخن احمد شطاری قادری کامل پاشاہ، مولانا ڈاکٹر سید علی حسینی قادری علی پاشاہ، مولانا مشہود احمد (خطیب سکریٹریٹ) مولانا سید قادر محی الدین قادری جنید پاشاہ اور قاضی سید نور اللہ فاروق عارفی نے شرکت فرمائی۔
شیعہ علماء کا بیان
سید علی اصغر جعفری کی اطلاع کے مطابق کل ہند شیعہ مجلس علمائو ذاکرین نے یہ اعلان کیا کہ چاند نظر آگیا اور جمعرات 2 جنوری 2025ء کو یکم رجب المرجب 1446ھ ہوگی۔ اس کی تصدیق شیعہ علماء مولانا ڈاکٹر سید نثار حسین حیدر آقا، مولانا رضا عباس خاں، مولانا مہدی حسن بہشتی، مولانا سید جواد عابدی اور مولانا سید محبِ عابد نے کی۔
