حیدرآباد۔/30 مارچ، ( پریس نوٹ ) رویت ہلال کمیٹی صدر مجلس علماء دکن کا ماہانہ اجلاس بضمن رویت ہلال ماہِ شوال المکرم 1446ھ زیر نگرانی حضرت مولانا سید حسن ابراہیم حسینی قادری سجاد پاشاہ معتمد صدر مجلس علماء دکن آج بتاریخ 30 مارچ بروز اتوار حسینی بلڈنگ معظم جاہی مارکٹ میں شام 6 بجے منعقد ہوا۔ ورنگل، بروچ ( گجرات ) اور ملک کے مختلف مقامات سے بھی چاند کی رویت کی اطلاعات موصول ہوئیں لہذا تحت احکام شرعیہ مرکزی رویت ہلال کمیٹی صدر مجلس علماء دکن اعلان کرتی ہے کہ 31 مارچ بروز پیر عیدالفطر ہوگی۔ اس اجلاس میں حضرت مولانا سید حسن ابراہیم حسینی قادری سجاد پاشاہ معتمد، حضرت مولانا مفتی خلیل احمد، حضرت مولانا سید شاہ محمود بادشاہ قادری زرین کلاہ، حضرت مولانا سید اولیاء حسینی قادری مرتضیٰ پاشاہ، حضرت مولانا سید شیخن احمد شطاری کامل پاشاہ، حضرت مولانا سید آل مصطفی قادری الموسوی علی پاشاہ، حضرت مولانا سید وصی اللہ قادری، حضرت مولانا ڈاکٹر سید علی حسینی قادری علی پاشاہ، حضرت مولانا مشہود احمد، مولانا سید قادر محی الدین قادری جنید پاشاہ اور جناب قاضی سید نوراللہ فاروق عارفی نے شرکت کی۔
کُل ہند شیعہ مجلسِ علماء و ذاکرین کا بیان
٭ سید علی اصغر جعفری نے اطلاع دی کہ کُل ہند شیعہ مجلس علماء و ذاکرین نے اعلان کیا کہ چاند نظر آگیا لہذا 31 مارچ 2025 پیر یکم شوال و عیدالفطر 1446 ھ ہوگی۔ اسکی تصدیق حسب ذیل علماء کرام نے کی ہے: مولانا ڈاکٹر سید نثار حسین حیدر آقا، مولانا رضا عباس خاں، مولانا مہدی حسن بہشتی، مولانا سید جلال حیدر، مولانا سید جواد عابدی اور مولانا سید محبِ عابد۔
