دنتے واڑہ: چھتیس گڑھ کے دنتے واڑہ ضلع میں آرن پور پنچایت کے ایک سرپنچ امیدوار کا جمعرات کی دیر رات نکسلیوں نے قتل کر دیا۔ قتل کے بعد وہ جنگل کی طرف چلے گئے ۔نکسلیوں نے سرپنچ امیدوار جوگا برسے کے گھر میں گھس کر اس کے گھر والوں کے سامنے اس کا گلا کاٹ دیا۔ نکسلیوں نے انتخابات کی مخالفت کی ہے ۔ قابل ذکر ہے کہ حکومت اور سیکورٹی فورسز کی سختی سے نکسلی اپنے وجود کے بحران کا سامنا کر رہے ہیں، وہ اکا دکا واقعات کو انجام دے کر اپنی موجودگی کا احساس دلارہے ہیں۔پولیس کو واقعہ کی اطلاع دی گئی ہے ۔
