بیجنگ ؍گوانگ ژو: چین کے جنوبی صوبے گوانگ ڈونگ کے شہر گوانگ ڑو میں ایک بحری جہاز پل سے ٹکرانے کے نتیجے میں پل ٹوٹنے سے 2 افراد ہلاک اور تین لاپتہ ہو گئے۔ ابتدائی تحقیقات میں پتہ چلا ہے کہ حادثہ جمعرات کی صبح اس وقت پیش آیا جب ایک کنٹینر بردار بحری جہاز نان شا ضلع میں لی شین شا پل کے نچلے حصے سے ٹکرا گیا۔ حادثے میں ایک موٹر سائیکل سمیت پانچ گاڑیاں تباہ ہوگئیں جن میں سے دو دریا میں ڈوب گئیں اور باقی بحری جہاز پر جا گریں۔امدادی کارکنوں نے بتایا کہ حادثہ میں عملے کا ایک رکن معمولی زخمی ہوا ہے۔جائے حادثہ پر امدادی کارروائیاں جاری ہیں اور وجوہات جاننے کیلئے تحقیقات کی جا رہی ہیں۔
