کولکتہ۔ بورڈ آف کنٹرول فار کرکٹ ان انڈیا (بی سی سی آئی) کے صدر سورو گنگولی کا ماننا ہے کہ ان کے سابق ساتھی راہول ڈراویڈ میں ہندوستانی کوچ کے طور پر کامیاب ہونے کے لیے تمام خوبیاں موجود ہیں۔گنگولی کا خیال ہے کہ ڈراویڈ میں تیزی، چوکسی اور پیشہ ورانہ مہارت جیسی خصوصیات ہیں جو انہیں ہندوستانی کوچ کے طور پر کامیاب بناتی ہیں۔وہ (ڈراویڈ) اتنا ہی تیز، چوکنا اور پیشہ ور ہے جتنا وہ اپنے کھیل کے دنوں میں تھا۔ سابق ہندوستانی کپتان نے یہاں ایک پروموشنل ایونٹ کے موقع پر کہا۔ فرق صرف یہ ہے کہ اب اسے ہندوستان کے لیے تیسرے نمبر پر بیٹنگ کرنے کی ضرورت نہیں ہے جس میں اس نے دنیا کے بہترین بولروں کا سامنا کیا اور اس نے طویل عرصے تک اپنا کردار بخوبی نبھایا، کوچ کے طور پر بھی وہ شاندار کام کریں گے۔ جیسا کہ وہ وفادار ہے اور مہارت رکھتا ہے۔ بی سی سی آئی کے سربراہ کے طور پر، گنگولی کا کردار ڈراویڈ کی بطور ہندوستانی کوچ تقرر میں اہم تھا۔ انہوں نے روی شاستری کی جگہ لی ہے۔گنگولی نے کہا،سب کی طرح، وہ بھی غلطیاں کرے گا لیکن جب تک آپ صحیح کام کرنے کی کوشش کریں گے، آپ دوسروں کے مقابلے میں زیادہ کامیابیاں حاصل کریں گے۔تاہم گنگولی نے ڈراویڈکا موازنہ اپنے پیشرو شاستری سے کرنے سے انکار کردیا۔گنگولی نے کہا ان کی شخصیت مختلف ہے۔ ایک ہمیشہ خبروں میں رہتا ہے جو اس کا مضبوط پہلو ہے جبکہ دوسرا اب تک کے عظیم ترین کھلاڑی ہونے کے باوجود خاموشی سے کام کرے گا۔ دو لوگ ایک ہی طریقے سے کامیاب نہیں ہو سکتے۔
