سان فرانسسکو : گوگل کے سابق ایگزیکٹو آفیسر ایرک شمٹ نے عالمی مصنوعی ذہانت (اے آئی) کی دوڑ میں ڈیپ سیک کے عروج کو ایک اہم ٹرننگ پوائنٹ قرار دیا۔یہ معلومات منگل کو واشنگٹن پوسٹ میں شائع ہونے والے ایک اوپ ۔ ایڈ میں دی گئی۔ ایرک شمٹ نے اس بات پر زور دیا کہ کم وسائل کا استعمال کرکے بگ ٹیک کے ساتھ مقابلہ کرنے کی چین کی صلاحیت امریکہ کے لئے اپنے اوپن سورس اے آئی کوششوں کو تیز کرنے کی ضرورت کو ظاہر کرتی ہے ۔انہوں نے معروف ریسرچ لیبارٹریوں سے اپنے تربیتی طریقوں کا اشتراک کرنے کی درخواست کرتے ہوئے اے آئی کے بنیادی ڈھانچے اور اسٹار گیٹ جیسے اقدامات میں سرمایہ کاری بڑھانے پر زور دیا۔یہ بات قابل ذکر ہے کہ ڈیپ سیک ایک چینی اے آئی کمپنی ہے جس کی بنیاد 2023 ء میں رکھی گئی تھی۔ جنوری 2025 ء میں کمپنی نے اپنا تازہ ترین ماڈل، ڈیپ سیک ۔آر1 جاری کیا، جس نے اپنی جدید استدلال کی صلاحیتوں کے لئے اہم توجہ حاصل کی ہے ۔ڈیپ سیک ۔آر1 کے لانچ نے ٹیکنالوجی کی صنعت کو چونکا دیا ہے ، جس کی وجہ سے پیر کو مائیکروسافٹ، میٹا اور این ویڈیا سمیت بڑی ٹیک کمپنیوں کے شیئر کی قیمتیں میں نمایاں گراوٹ آئی ہے ۔ انہوں نے امریکہ سے تعاون کو فروغ دینے ، مسابقتی اے آئی حل تیار کرنے اور عالمی اے آئی مسابقت کی بدلتی ہوئی حرکیات کو حل کرنے کا مطالبہ کیا۔
