نئی دہلی۔کانگریس کی اترپردیش کی انچارج جنرل سکریٹری پرینکا گاندھی نے کانپور میں ایک نوجوان کے اغوا کے واقعہ پر یوگی حکومت کو نشانہ بناتے ہوئے کہا کہ اس واقعہ سے آسانی سے ریاست میں امن و امان کی صورتحال کا اندازہ لگایا جاسکتا ہے ۔واڈرا نے چہارشنبہ کو کہا ’’کانپور میں بدمعاشوں نے ایک نوجوان کا اغوا کرلیا تھا۔ اغوا کرنے والے افراد خاندان سے تاوان کی رقم مانگی گئی۔ کنبے نے مکان اور شادی کے جواہرات فروخت کرکے 30 لاکھ جمع کئے ۔ پولیس کے کہنے پر گھروالوں نے پیسوں سے بھرا بیاگ بھی اغوا کرنے والوں کے حوالہ کردیا اور پولیس نہ تو بدمعاشوں کو پکڑسکی اور نہ ہی ان کے بیٹے کو رہا کراسکی۔اب گھروالے کافی دکھی ہیں اور ان کا برا حال ہے‘‘ ۔
