پٹنہ : بہار کانگریس کے سابق صدر اور مجاہد آزادی مولانا مظہر الحق کا 158 واں یوم پیدائش آج ریاستی کانگریس ہیڈکوارٹر صداقت آشرم میں منایا گیا۔ سابق قانون ساز کونسلر لال بابو لال نے تقریب کی صدارت کی۔ اس موقع پر مولانا مظہر الحق کی شخصیت پر روشنی ڈالتے ہوئے مسٹر بابو لال نے کہا کہ حق صاحب مہاتما گاندھی کے دوست تھے اور جب مہاتما گاندھی چمپارن کے دورے پر پٹنہ آئے تھے تو وہ مظہر الحق صاحب کی رہائش گاہ پر ٹھہرے تھے ۔ اس موقع پر سابق وزیر کرپاناتھ پاٹھک نے کہا کہ مظہر الحق فرقہ وارانہ اتحاد کے زبردست حامی تھے اور ڈاکٹر راجندر پرساد اور دیگر مجاہدین آزادی کے ساتھ مل کر 1921 میں ریاستی کانگریس کے ہیڈکوارٹر کا نام صداقت آشرم رکھا۔ آج ایک مشکور قوم تحریک آزادی میں مولانا مظہر الحق کی خدمات کو یاد کرتے ہوئے انہیں خراج عقیدت پیش کر رہی ہے ۔ سب سے پہلے مولانا مظہر الحق کی تصویر پر پھولوں کی چادر چڑھائی گئی۔ اس موقع پر سابق وزراء کرپاناتھ پاٹھک، منجیت آنند ساہو، راجنندن کمار، امیت سکندر، امیش پرساد سنگھ، وپن جھا، روی کمار، دنیش پنڈت، رام سروج شرما، دنیش شنکر داس نے بھی مولانا مظہر الحق کی تصویر پر پھول چڑھا کر انہیں خراج عقیدت پیش کیا۔
